0 +0−0 | Anopheles Pictus | 14:25:17 21/07/2021 |
Царя боися и служи ему верою и всегда о нем Бога моли и ложно отнюд не глаголи пред ним но с покорением истину отвещаи ему яко самому Богу, и во всем повинуися ему аще земному царю правдою служиши и боишися его тако научишися и Небеснаго Царя боятися сеи временен а Небесныи вечен, и Судия нелицемерен, воздаст комуждо по делом его, тако же и князем покаряитеся и должную ему честь воздаваи яко от Него посланом во отмщение, злодеем, в похвалу же добродеем князю своему прияите всем сердцем и властелем своим ни помыслите на ня зла глаголет бо Павел апостол вся владычество от Бога учинена суть, да аще кто противится властелем, то Божию повелению противитца а царю и князю и всякому велможе и клеветою и лукавеством погубит Господь вся глаголющая лжу а шепотники и клеветники от народа прокляти |